விஜய் சேதுபதி – திரிஷா படத்துக்காக பாண்டிச்சேரியில் பிரமாண்டமான அரங்குகள்! 

ஜெயம் ரவி, ஹன்சிகா நடித்து அமோக வெற்றி பெற்ற ‘ரோமியோ ஜூலியட்’, விஷால் நடித்த ‘கத்தி சண்டை’ போன்ற  படங்களை  தயாரித்த மெட்ராஸ் எண்டர்பிரைசஸ் எஸ்.நந்தகோபால், இந்த படங்களைத் தொடர்ந்து விஜய் சேதுபதி கதாநாயகனாக நடிக்கும்  ‘96’ என்ற படத்தை தயாரிக்கிறார். கதாநாயகியாக திரிஷா நடிக்கிறார். மற்றும் காளிவெங்கட் வினோதினி நடிக்கிறார்கள்.  மற்ற நட்சத்திரங்கள் தேர்வு நடைபெற்றுக்கொண்டிருக்கிறது.

எழுதி இயக்குபவர் சி.பிரேம் குமார். இவர் பசங்க, சுந்தரபாண்டியன், நடுவுல கொஞ்சம் பக்கத்த காணோம் உட்பட பல படங்களுக்கு ஒளிப்பதிவு செய்தவர். இந்த படதின் மூலம் இயக்குனராக அறிமுகமாகிறார்.

இப்படத்தின் படப்பிடிப்பு குறித்து இயக்குனர் சி.பிரேம் குமார் கூறுகையில், “இதன் இரண்டாம் கட்டப் படப்பிடிப்பு பாண்டிச்சேரியில் நடைபெற்றுக் கொண்டிருக்கிறது. இந்த படத்திற்காக அழகான, அதேசமயம் பிரமாண்டமான அரங்குகள் அமைக்கப்பட்டுள்ளது. அந்த அரங்கில் விஜய்சேதுபதி, திரிஷா, காளி வெங்கட், ஆடுகளம் முருகதாஸ் ஆகியோர் பங்குபெறும் காட்சிகள் படமாக்கப்பட்டுக் கொண்டிருக்கிறது. 300 துணை நடிகர் – நடிகைகள் இந்த படப்பிடிப்பில் கலந்துகொள்கின்றனர். தனது ஒவ்வொரு படத்திலும் வித்தியாசமான தோற்றம்  வித்தியாசமான கதாபாத்திரம் என கொடிகட்டி பறக்கும் விஜய் சேதுபதிக்கு ‘96’  படமும் வித்தியாசமான படமாக இருக்கும்” என்றார்.

ஒளிப்பதிவு           –       சண்முகசுந்தரம்

இசை                    –        கோவிந்த் மேனன்

எடிட்டிங்               –        கோவிந்தராஜ்

கலை                    –        வினோத் ராஜ்குமார்

பாடல்கள்             –        உமாதேவி, கார்த்திக் நேத்தா

ஊடகத் தொடர்பு – மௌனம் ரவி

 

Read previous post:
0a1f
“தமிழகத்தில் பாஜக கூட்டணி ஆட்சி”: அர்னாப் டிவி செய்தி!

“பாரதிய ஜனதா கட்சி தமிழகத்தில் தேசிய ஜனநாயக கூட்டணி அரசு அமைக்க இருக்கிறது” என்று ஆரியத்துவவாதியும், போர் வெறியனும், கேவலமான ஊடகவியலாளனுமான அர்னாப் கோஸ்வாமியின் ‘ரிபப்ளிக் டிவி’

Close