கேங்ஸ்டர் அம்சங்கள் கலந்த காதல் த்ரில்லர் படம் – ‘வஞ்சகர் உலகம்’

புதுமுக இயக்குனர் மனோஜ் பீதா இயக்கத்தில் உருவாகியிருக்கும் காதல் திரில்லர் படம் ‘வஞ்சகர் உலகம்’. இவர் இயக்குனர் எஸ்.பி.ஜனநாதனிடம் உதவி இயக்குனராக பணியாற்றியவர். இப்படத்தில் பல புதுமுக நடிகர்களோடு சில அனுபவம் வாய்ந்த நடிகர்களும் நடித்துள்ளனர்.

‘வஞ்சகர் உலகம்’ குறித்து இயக்குனர் மனோஜ் பீதா கூறுகையில், ”இது ஒரு கேங்ஸ்டர் அம்சங்கள் கலந்த காதல் திரில்லர் படம். இயக்குனர் விக்னேஷ் சிவனிடம் உதவி இயக்குனராக பணிபுரிந்த  எனது நண்பர் விநாயக் தான் இப்படத்தின் கதையாசிரியர். ‘வஞ்சகர் உலகம்’ படத்தின் கதை மற்றும் திரைக்கதை தமிழ் சினிமா ரசிகர்களுக்கு முற்றிலும்  ஒரு புது அனுபவமாக நிச்சயம் இருக்கும்.

படத்தின் ஒவ்வொரு நடிகரும் தனது கதாபாத்திரத்தில் அசத்தியுள்ளனர் . குறிப்பாக குரு சோமசுந்தரத்தின் நடிப்பாற்றலை கண்டு வியந்தேன். ஒரு கேங்ஸ்டர் வேடத்தில் அவர்  இப்படத்தில் நடித்துள்ளார். ஒவ்வொரு காட்சியையும் அவர் கையாண்டு அசத்திய விதம் நான் அவரிடம் எதிர்பார்த்ததை விட பல மடங்கு பிரமாதமாக இருந்தது. ஒரு குறிப்பிட்ட 5-6 நிமிட கட்சியை ஒரே டேக்கில் ஓகே செய்து  எல்லோரையும் மிரள வைத்தார் அவர். அவரது அபார  நடிப்பாற்றலால் கதையில் நாங்கள் சில மாறுதல்களை செய்ய வேண்டியிருந்தது.

நடிகர் விசாகன் வணங்காமுடியின் கதாபாத்திரமும், அவரது நடிப்பும் இப்படத்தின் முக்கிய அம்சங்களில் ஒன்றாக நிச்சயமாக இருக்கும்.

மெக்ஸிகோ நாட்டை சேர்ந்த ராட்ரிகோ  இப்படத்தில் ஒளிப்பதிவாளர். அவரது சிறந்த ஒளிப்பதிவு நிச்சயம் தமிழ் சினிமா உலகில் பேசப்படும்.

எனக்கு மிகவும் திருப்தியும் சந்தோஷமும் அளிக்கும் வகையில் இப்படம் வந்துள்ளது. படத்தின் போஸ்ட் புரொடக்சன் பணிகள் மிக வேகமாக நடந்து வருகின்றன. படத்தின் பர்ஸ்ட் லுக் போஸ்டர் மிக விரைவில் வெளியிட திட்டமிட்டுள்ளோம்” என்றார்.

இப்படத்தை மஞ்சுளா பீதா தயாரித்துள்ளார். புதுமுகம் சிபி கதாநாயகனாகவும், அனிஷா அம்ப்ரோஸ் மற்றும்  சாந்தினி தமிழரசன் கதாநாயகிகளாகவும் நடித்துள்ள இப்படம் சாம்.சிஎஸ் இசையில், ஆண்டனியின் படத்தொகுப்பில், ஏ.ராஜேஷின் கலை இயக்கத்தில், ‘ஸ்டன்னர்’ சாமின் சண்டை இயக்கத்தில்  உருவாகியுள்ளது.

 

Read previous post:
0a1a
பொங்கல் முதல் “ஒரு நிமிஷம் தலை சுத்தும்”: ‘தாதா 87’ படத்தின் புரொமோ பாடல்! 

‘கலை சினிமாஸ்’ தயாரிப்பில், சாருஹாசன், சரோஜா (நடிகை கீர்த்தி சுரேஷ் பாட்டி), ஜனகராஜ் மற்றும் பலர் நடிப்பில் விஜய் ஸ்ரீ இயக்கத்தில் உருவாகிவரும் படம் ‘தாதா 87’.

Close