மோகன்லால் – கவுதமி நடிக்கும் ‘நமது’ ஆகஸ்டு 5ல் 3 மொழிகளில் வெளியாகிறது!

மலையாளத்தில் அமோக வெற்றி பெற்ற ‘ஹிஸ் ஹைனஸ் அப்துல்லா’ படத்தில் ஜோடி சேர்ந்த மோகன்லால் – கவுதமி, ராசியான ஜோடி என்று கேரளாவில் போற்றப்படுவதுண்டு.

இந்த இருவரும் மீண்டும் ஜோடி சேர்ந்து நடிக்க மலையாளம், தெலுங்கு, தமிழ் ஆகிய மூன்று மொழிகளில் ஒரு படம் தயாராகிறது. தெலுங்கில் அந்தப் படத்திற்கு ‘மனமன்தா’ என்றும், தமிழில் ‘நமது’ என்றும் பெயர் சூட்டி உள்ளார்கள்.

இப்படத்தில் விஸ்வநாத்  – ஹனிஷா ஆம்ரோஷ் இன்னொரு ஜோடியாக நடிக்கிறார்கள். இவர்களுடன் நாசர், ஊர்வசி, சந்திரமோகன், கொல்லப்புடி மாருதிராவ் ஆகியோரும் நடிக்கிறார்கள்.

எழுதி இயக்குபவர் சந்திரசேகர் ஏலட்டி. இவர் தெலுங்கில் கோபிசந்த் உட்பட பல முன்னணி நடிகர்கள் நடித்த படங்களை இயக்கி இருப்பவர். சாய் ஷிவானி வழங்க, வாராஹி சலனசித்திரம் மற்றும் சாய் கோரப்பட்டி புரொடக்ஷன்ஸ் இப்படத்தை தயாரிக்கிறது.

வசனம் மற்றும் பாடல்களை மதன் கார்க்கி எழுதுகிறார்.    ஒளிப்பதிவு   –  ராகுல் ஸ்ரீவத்சவ்; இசை   –  மகேஷ் சங்கர்; தயாரிப்பு   –  ரஜினி கோரப்பட்டி.

படப்பிடிப்பு வேகமாக நடைபெற்று வருகிறது. இப்படம் தமிழ், தெலுங்கு, மலையாளம் ஆகிய மூன்று மொழிகளிலும் ஒரே தேதியில் – ஆகஸ்ட் 5 ல் ரிலீஸ் ஆகிறது.