மண் சார்ந்த வாழ்க்கை யையும் மக்களையும் பிரதிபலிக்கும் ‘ஒண்டிக்கட்ட’!

பிரண்ட்ஸ் சினி மீடியா என்ற பட நிறுவனம் சார்பாக மேகலா.ஆர்.தர்மராஜ், ஷோபா.கே.கே.சுரேந்திரன், சுமித்ரா பரணி ஆகியோர் இனணந்து தயாரிக்கும் படம் ‘ஒண்டிக்கட்ட’.

‘தெனாவட்டு’, ‘குரங்கு கைல பூ மால’, ‘எங்களுக்கு வேறு எங்கும் கிளைகள் கிடையாது’ போன்ற படங்களில் குணச்சித்திர வேடங்களில் நடித்த விக்ரம் ஜெகதீஷ், இந்த படத்தில் நாயகனாக நடிக்கிறார். கதாநாயகியாக நேகா நடிக்கிறார். இவர் ‘உச்சத்துல சிவா’, ‘தண்ணில கண்டம்’ போன்ற படங்களில் நாயகியாக நடித்தவர். இவர்களுடன் தர்மராஜ், கலைராணி, சாமிநாதன், முல்லை, கோதண்டம், சென்ராயன், மதுமிதா, ஹலோ கந்தசாமி ஆகியோர் நடிக்கிறார்கள்.

இப்படத்தை எழுதி இயக்கியிருக்கிறார் இசையமைப்பாளர் பரணி. படம் பற்றி இயக்குனர் பரணி கூறுகையில், “நான் இசையமைப்பாளராக என் பயணத்தை துவங்கி 18 வருடங்களாகி விட்டது. இதுவரை எனக்கு கிடைத்த அனுபவங்களையும், கற்றுத் தேர்ந்த விஷயங்களையும் இந்த படத்தில் பயன்படுத்தி இருக்கிறேன்.

“நான் இசைத் துறையிலிருந்து இயக்கத் துறைக்கு அடியெடுத்து வைத்திருக்கிறேன். பிறந்த வீட்டிலிருந்து  புகுந்த வீட்டுக்கு வந்த மணப்பெண் மாதிரி இரண்டு இடத்துப் பெருமையையும் நான் காப்பாற்றி ஆக வேண்டும். அதனால் தான் என் பிறந்த வீட்டு சொந்தங்களாகிய இசையமைப்பாளர்களர்கள் இசையை வெளியிட, என் புகுந்த வீட்டு சொந்தங்களான இயக்குனர்கள் பெற்றுக் கொள்வது தான் சிறப்பு என்பதால் அதற்கான ஏற்பாட்டை செய்தோம்.

k8

“கிராமத்து நாகரிகத்தை இதில் பதிவிட்டிருக்கிறேன். படத்தின் கதாபாத்திரங்கள் பேசப்படும் விதமாக உருவாக்கப்பட்டுள்ளன. நாம் பிறந்தபோதும் ஒண்டிக்கட்டையாகத் தான் பிறக்கிறோம். போகும்போதும் ஒண்டிக்கட்டையாகத் தான் போகப் போகிறோம். இதைத் தான் இதில் சொல்கிறோம்.

“விக்ரம் ஜெகதீஷ், ஆர்.தர்மராஜ், நேகா ஆகிய மூவரும் இந்த படத்தை தாங்கிப் பிடிக்கும் கதாபாத்திரங்கள். ஆர்.தர்மராஜுக்கு மிகப் பெரிய வரவேற்பு கிடைக்கும்..

“என் கற்பனையை சிறப்பாக வடிவமைக்க தயாரிப்பாளர்கள் ஆர்.தர்மராஜ், கே.கே.சுரேந்தர், சுமித்ராபரணி ஆகியோர் எனக்கு பக்கபலமாக இருந்தார்கள்.. மண் சார்ந்த வாழ்க்கையையும் மக்களையும் இதில் பிரதிபலித்து இருக்கிறோம்.. நிச்சயம் மக்களுக்கு இது பிடிக்கும்.. ‘ஒண்டிக்கட்ட’ படம் குடும்பத்தில் உள்ளவர்கள் எல்லோருக்கும் பிடித்த படமாக இருக்கும்” என்றார் பரணி.

ஒளிப்பதிவு – ஆலிவர் டெனி

 இசை  – பரணி

பாடல்கள் – கபிலன், பரணி, தர்மா

 எடிட்டிங் – விதுஜீவா

நடனம் – சிவசங்கர், தினா, ராதிகா

ஸ்டண்ட்  – குபேந்திரன்

கலை – ராம்

 தயாரிப்பு மேற்பார்வை – பாண்டியன்

ஊடகத் தொடர்பு – மௌனம் ரவி

Read previous post:
k7
Ondikkatta Movie Photo Gallery

Ondikkatta Movie Photos

Close