கஸ்தூரி ராஜா இயக்கத்தில் அகோரி வேடத்தில் ஜாக்கி ஷெராப் நடிக்கும் படம் ‘பாண்டி முனி’!

தனுஷ் நடித்த ‘துள்ளுவதோ இளமை’, ‘காதல் கொண்டேன்’, ‘யாரடி நீ மோகினி’, ‘திருவிளையாடல் ஆரம்பம்’ ஆகிய வெற்றிப்படங்களைத் தயாரித்த ஆர்.கே.புரொடக்ஷன் தற்போது தயாரிக்கும் படம் ‘பாண்டி முனி’

இந்த படத்தில் பிரபல இந்தி நடிகர் ஜாக்கி ஷெராப் முனி என்கிற அகோரி  வேடத்தில் நடிக்க,   புதுமுக நடிகை மேகாலி,  பாண்டி என்ற வேடத்தில் நடிக்கிறார். இன்னொரு நாயகியாக நிக்கிஷா பட்டேல் நடிக்கிறார். இவர்களுடன் பெராரே, சிவசங்கர், ஷாயாஜி ஷிண்டே, அம்பிகா, வாசுவிக்ரம் மற்றும் பலர் நடிக்கிறார்கள்.

கதை, திரைக்கதை, வசனம் எழுதி இப்படத்தை இயக்குகிறார்  கஸ்தூரி ராஜா. இது இவர் இயக்கும் 23 வது படம்

படம் பற்றி இயக்குனர் கஸ்தூரி ராஜா கூறுகையில், “இது நான் இயக்கும் வித்தியாசமான படம். இதுவரை கிராம வாழ்வியலையும், காதலையும், குடும்ப உறவுகளையும் மட்டும் பதிவு செய்த நான், இதில் ஹாரர் விஷயத்தை கையில் எடுக்கிறேன். சாமிக்கும் பேய்க்கும் இடையே நடக்கும் போர் தான் ‘பாண்டி முனி’

அடர்ந்த காட்டுக்குள் இருக்கும் ஒரு ஜமீன் பங்களாவுக்குள் நடக்கும் ஹாரர் படம் இது. சுமார் 70 வருடங்களுக்கு முன்பு நடப்பது மாதிரியான பீரியட் படம் இது. சாமி பாதி,  பேய் பாதி என்று  கதையின் போக்கு இருக்கும்.

இந்த கதையை கேட்டவுடன் ஜாக்கி ஷெராப் ஆர்வத்துடன் உடனே ஓகே சொன்னது இந்த கதைக்கு கிடைத்த முதல் வெற்றி. படத்தின் படப்பிடிப்பு மலேசியா, தாய்லாந்து, குரங்கணி, ஜவ்வாது மலை போன்ற இடங்களில் நடைபெற உள்ளது” என்றார் கஸ்தூரி ராஜா.

ஒளிப்பதிவு – மது அம்பாட்

இசை – ஸ்ரீகாந்த் தேவா

கலை – ஸ்ரீமான் பாலாஜி

நடனம் – சிவசங்கர்

ஸ்டண்ட் – சூப்பர் சுப்பராயன்.

எடிட்டிங் – சுரேஷ்அர்ஸ்

ஊடகத்தொடர்பு – மௌனம்ரவி