முதல்வர் விஜய்யிடம் கமல்ஹாசன் வைத்த 6 கோரிக்கைகள்!

தமிழ்நாடு முதலமைச்சர் விஜய்யை நேரில் சந்தித்து, மக்கள் நீதி மய்யம் தலைவர் கமல்ஹாசன் தமிழ் திரைப்படத் துறையின் வளர்ச்சிக்காக 6 முக்கிய கோரிக்கைகளை முன்வைத்தார். கமல்ஹாசன் முன்வைத்த 6 கோரிக்கைகள்:

• அரசு ஓடிடி தளம் (State-owned OTT Platform): தமிழ் சினிமா, சுயாதீனப் படங்கள் (independent films) மற்றும் ஆவணப்படங்களை மக்கள் எளிதாக அணுகும் வகையில், தமிழக அரசுக்கென்று பிரத்யேக ஓடிடி தளத்தை உருவாக்க வேண்டும்.
• கேளிக்கை வரி ரத்து (Abolition of Entertainment Tax): திரையரங்குகளில் தற்போது வசூலிக்கப்படும் 4% உள்ளாட்சி அமைப்புகளின் கேளிக்கை வரியை முழுமையாக நீக்க வேண்டும்.
• கடுமையான இணைய திருட்டு தடுப்பு (Anti-Piracy Team): திருட்டுத்தனமாகத் திரைப்படங்களை இணையத்தில் வெளியிடுவதைத் தடுக்கவும், உடனடியாக அவற்றை நீக்கவும் (real-time takedown) சைபர் கிரைம் பிரிவில் ஒரு வலுவான திருட்டுத் தடுப்புப் படையை (Anti-Piracy Team) உருவாக்க வேண்டும்.
• ஓடிடி வெளியீட்டு இடைவெளி (Mandatory 8-week OTT Window): திரையரங்குகளில் வெளியாகும் படங்கள், தியேட்டர் தொழிலைப் பாதுகாக்கும் நோக்கில் குறைந்தது 8 வாரங்கள் கழித்துதான் ஓடிடி தளங்களில் வெளியாக வேண்டும் என்ற நடைமுறையைக் கொண்டுவர வேண்டும்.
• திரையரங்கு கட்டண முறை (Rationalisation of Theatre Admission Rates): திரையரங்கு உரிமையாளர்கள் மற்றும் விநியோகஸ்தர்களின் பொருளாதாரப் பாதுகாப்பை உறுதிசெய்யும் வகையில், கட்டணங்களை முறைப்படுத்த வேண்டும்.
• மானியங்கள் மற்றும் சிறப்பு சலுகைகள் (Subsidies & Concessions): பல்வேறு பொருளாதாரத் தடைகளைச் சந்தித்து வரும் தமிழ் திரையுலகிற்குத் தேவையான மானியங்கள் மற்றும் உதவிகளை அரசு வழங்க வேண்டும்.

இந்தச் சந்திப்பின்போது தமிழ் திரையுலகை மேம்படுத்துவது குறித்த பல ஆக்கப்பூர்வமான கருத்துக்களைப் பகிர்ந்துகொண்டதாகவும், புதிய முதலமைச்சராகப் பதவியேற்றுள்ள விஜய்யின் செயல்பாடுகளுக்குத் தனது ஆதரவைத் தெரிவிப்பதாகவும் கமல் குறிப்பிட்டிருந்தார்.