தமிழ்நாடு சட்டப்பேரவை தேர்தல் இறுதி முடிவுகள்: எந்த கட்சிக்கும் ’தனி மெஜாரிட்டி’ கிடைக்கவில்லை!
2026 தமிழ்நாடு சட்டப்பேரவைத் தேர்தல் முடிவுகள் (மே 4, 2026 அன்று எண்ணி, அறிவிக்கப்பட்டவை) தமிழக அரசியல் வரலாற்றில் ஒரு முக்கியத் திருப்புமுனையை ஏற்படுத்தியுள்ளன. இத்தேர்தலில் போட்டியிட்ட எந்தவொரு கட்சிக்கும் அல்லது கூட்டணிக்கும் ’தனி மெஜாரிட்டி (Absolute Majority)’ கிடைக்கவில்லை என்பது தான் அந்த திருப்புமுனை.
234 தொகுதிகள் கொண்ட தமிழக சட்டப்பேரவையில், ஆட்சி அமைக்கத் தேவையான 118 இடங்கள் எந்த கட்சிக்கும் கிடைக்காததால், ’தொங்கு சட்டப்பேரவை (Hung Assembly)’ அமைய வாய்ப்பு உருவாகியுள்ளது.
நடிகர் விஜய் தலைமையிலான தமிழக வெற்றிக் கழகம் (TVK) தனது முதல் தேர்தலிலேயே 108 தொகுதிகளில் வெற்றி பெற்று, தனிப்பெரும் கட்சியாக (Single Largest Party) உருவெடுத்துள்ளது. இருப்பினும், தனி மெஜாரிட்டிக்குத் தேவையான 118 இடங்களைவிட 10 இடங்கள் குறைவாக பெற்றுள்ளது.
தற்போதைய ஆளுங்கட்சியான திமுக தலைமையிலான கூட்டணி 73 தொகுதிகளில் வென்றுள்ளது. எதிர்க்கட்சியான அதிமுக தலைமையிலான கூட்டணி 53 தொகுதிகளைப் பெற்று மூன்றாவது இடத்திற்குத் தள்ளப்பட்டுள்ளது.
திமுக கூட்டணியில்
1.திமுக – 54
2.மதிமுக – 2
3.மமக – 1
4.மஜக – 1
5.கொமதேக – 1
அதாவது,
உதயசூரியனில் – 59
6.காங்கிரஸ் – 5
7.சிபிஐ – 2
8.சிபிஎம் – 2
9.விசிக – 2
10.ஐயுஎம் எல் – 2
11.தேமுதிக – 1
ஆக மொத்தம் – 73
