தவெக அமைச்சர் ஆதவ் அர்ஜுனாவை பிரிவதாக மனைவி டெய்சி மார்ட்டின் அறிவிப்பு!
தமிழ்நாடு பொதுப் பணித் துறையின் தவெக அமைச்சர் ஆதவ் அர்ஜுனாவை பிரிவதாக அவரது மனைவி டெய்சி மார்ட்டின் அறிவித்துள்ளார். இதன் மூலம 14 ஆண்டுகால திருமண வாழ்க்கை முடிவுக்கு வருவதாகவும், இருவரும் ஒருமனதாக பிரிவதாகவும் அவர் தனது அறிக்கையில் குறிப்பிட்டுள்ளார்.
டெய்சி, லாட்டரி அதிபர் மார்ட்டின்- லால்குடி அதிமுக் எம்எல்ஏ லீமா ரோஸ் தம்பதியின் மகளாவார். ஆதவ் அர்ஜுனாவும், டெய்சியும் நீண்ட காலமாக நண்பர்களாக இருந்து பின்னர் காதலித்து திருமணம் செய்து கொண்டதாக சொல்லப்படுகிறது. தற்போது பிரி ந்து வாழ்வதாக அறிவித்ததன் மூலம் இவர்களது 14 ஆண்டு கால திருமண வாழ்க்கை முடிவுக்கு வந்துள்ளது.
இதுகுறித்து டெய்சி தனது இன்ஸ்டாகிராம் பக்கத்தில் கூறியிருப்பதாவது:
”14 ஆண்டுகளாக ஒருவருக்கொருவர் வாழ்வில் இணைந்து பயணித்தோம். அன்பு, புரிதல் மற்றும் மாற்றங்கள் நிறைந்த அந்த பயணத்தில் நண்பர்களாகவும், வாழ்க்கைத் துணைவர்களாகவும், பெற்றோர்களாகவும் வாழ்க்கையின் பல்வேறு அத்தியாயங்களை கடந்து வந்தோம். இன்று ஆதவ் அர்ஜுனாவும், நானும் பரஸ்பர உடன்பாட்டுடன் பிரிந்து தனித்தனி பாதைகளில் பயணிப்பது என முடிவு செய்துள்ளோம். இது எங்கள் இருவருக்கும் ஒரு புதிய தொடக்கம் என்றாலும் எங்கள் குழந்தையைச் சிறந்த முறையில் வளர்ப்பதிலும் குழந்தையின் மகிழ்ச்சியையும் நலனையும் உறுதி செய்வதிலும் நாங்கள் தொடர்ந்து இணைந்து செயல்படுவோம். இவையே எங்களது தலையாய முன்னுரிமையாக எப்போதும் இருக்கும்.
ஆதவ் அர்ஜுனா மீது எனக்கு எப்போதும் மரியாதை உண்டு. அவர் தேர்ந்தெடுக்கும் அனைத்து முயற்சிகளிலும் மகிழ்ச்சி, அமைதி மற்றும் வெற்றி கிடைக்க வாழ்த்துகிறேன். இந்த கடினமான காலகட்டத்தை புரிந்து கொண்டு உங்கள் புரிதலையும், அன்பையும், எங்கள் தனிப்பட்ட சுதந்திரத்திற்கான மதிப்பையும் வழங்க வேண்டும் என கேட்டுக் கொள்கிறேன்” என்று டெய்சி அறிவித்துள்ளார்.
