பிரபல பாடகி எம்.எஸ்.சுப்புலட்சுமியாக ராஷ்மிகா மந்தனா நடிக்கிறார்!
பிரபல கர்னாடக இசைப் பாடகி எம்.எஸ்.சுப்புலட்சுமியின் வாழ்க்கைக் கதை திரைப்படமாகிறது. தெலுங்கில் ‘ஜெர்சி’, ‘மல்லி ராவா’, ‘கிங்டம்’ உள்ளிட்ட படங்களை இயக்கிய கவுதம் தின்னூரி இயக்குகிறார். அல்லு அரவிந்த், பன்னிவாசு, ராக்லைன் வெங்கடேஷ் ஆகியோர் இணைந்து இப்படத்தை தயாரிக்கின்றனர்.
இதில், எம்.எஸ்.சுப்புலட்சுமி கதாபாத்திரத்தில் சாய் பல்லவி நடிக்க இருப்பதாக முதலில் கூறப்பட்டது. அவர் இரண்டு பாகங்களாக உருவாகும் ‘ராமாயணம்’ படத்தில் பிசியாக இருப்பதால் அவரால் இந்தப் படத்துக்கு கால்ஷீட் ஒதுக்க முடியவில்லை என்று கூறப்படுகிறது. அவருக்குப் பதிலாக ருக்மணி வசந்த் நடிக்க இருப்பதாகவும் தகவல்கள் வெளியாயின.
இந்நிலையில் எம்.எஸ்.சுப்புலட்சுமி கதாபாத்திரத்தில் ராஷ்மிகா மந்தனா நடிக்க இருப்பதாகச் செய்திகள் வெளியாகியுள்ளன. இதுபற்றிய அறிவிப்பு எம்.எஸ்.சுப்புலட்சுமியின் பிறந்த தினமான செப்.16-ம் தேதி வெளியாக இருப்பதாகக் கூறப்படுகிறது.
