விஜய்யிடம் இல்லாத பொறுப்புணர்வு: விசில் அடித்த ரசிகர்களை எச்சரித்த அஜித்குமார்!
தமிழக அரசியலில் புதிதாக குதித்திருக்கும் நடிகர் விஜய், பரப்புரைக்கு சென்ற இடங்களிலெல்லாம் அவரது ரசிகர்கள் விசிலடித்து ஆரவாரம் செய்வது, டிரான்ஸ்பார்மரில் ஏறுவது, மரங்களிலிருந்து குதிப்பது, கூட்டத்தில் நெருக்கியடித்து உயிரிழப்பை ஏற்படுத்துவது என கட்டுப்பாடின்றி தான்தோன்றித்தனமாக நடந்துகொள்வதும், அவற்றை விஜய் பொறுப்பின்றி ரசித்து மகிழ்வதும், இதற்காக அவர் கடும் விமர்சனத்துக்கு உள்ளாகியிருப்பதும் உலகறிந்தது தான். இந்நிலையில், நடிகர் அஜித்குமார், விசிலடித்து ஆரவாரம் செய்த தன் ரசிகர்களை பொறுப்புணர்வுடன் கோபமாக எச்சரித்தது இணையத்தில் வைரலாகி வருகிறது.
நடிகர் அஜித் குமார் இப்போது சர்வதேச கார் பந்தயங்களில் பங்கேற்று வருகிறார். இதற்காக ‘அஜித்குமார் ரேஸிங்’ என்ற அணியை அவர் வைத்துள்ளார்.இந்த அணி, உலகின் பல்வேறு பகுதிகளில் நடைபெறும் கார் பந்தயங்களில் பங்கேற்று வருகிறது. துபாய், இத்தாலி, ஸ்பெயின் நாடுகளில் நடைபெற்ற ரேஸ்களில் பங்கேற்ற அவர் அணி, ஸ்பெயின் நாட்டின் பார்சிலோனாவில் நடந்த கார் பந்தயத்தில் கடந்த வாரம் பங்கேற்றது. அங்கு கடந்த ஞாயிற்றுக்கிழமை அஜித்குமாரை பார்க்க ரசிகர்கள் கூடினர். அதில் சிலர், அஜித்குமாரை பார்த்ததும் ஆரவாரம் செய்து விசிலடித்தனர்.
இதைக் கவனித்த அஜித் கோபமடைந்தார். விரலை அசைத்து, ‘அமைதியாக இருங்கள்’ என்ற சைகை செய்தார். உடனே ரசிகர்கள் ஆரவாரத்தை நிறுத்தி அமைதியானார்கள். இந்தக் காட்சி இணையத்தில் வைரலாகி வருகிறது.
அஜித், பார்சிலோனா பந்தயத்தை முடித்துவிட்டு துபாய் திரும்பி இருக்கிறார். அடுத்து மலேசியாவில் டிசம்பர் மாதம் நடக்கும் கார் பந்தயத்தில் பங்கேற்க இருக்கிறார்.
